Xanımların bizə ən çox ünvanladığı suallardan biri də ev şəraitində xalçaları yuma vasitələridir. Bilirik ki, xalçaları əsasən yerdə istifadə etdiyimiz üçün evin bütün tozu, kiri onların üzərində olur. Xüsusi ləkələr isə bu mövzuda xalçaların bəzəyidir. Xüsusən də soyuq aylarda xalçanı yerdən yığışdırmaq, xalçasız qalmaq qalmaq bizə çətin olduğu üçün onu bəzi ləkələri özümüz aşağıdakı üsullarla apara bilərik. Lakin bunu da vurğulamaq istəyirik ki, mümkün olduğu təqdirmə xalçanızı mütləq peşəkarlara əmanət edin. Çünki özünüz yuduğunuz zaman xalçanızın rəngi qarışa, ləkə dərinləşə və onu birdəfəlik itirə bilərsiniz. Biz də Pak Xalça olaraq bu dəfəki  bloqumuzda sizə evdə rahatlıqla xalçalarınızı təmizləməyə, dezinfeksiya etməyə kömək olacaq 3 vasitədən danışacağıq:

1. Ərəb sabunu - İlk olaraq onu bildirək ki, ərəb sabununu istənilən marketdən rahatlıqla tapa bilərsiniz. İstifadəsinə gəldikdə isə, xalçanın səthi süpürüldükdən sonra üzərində toz və tük qalmadığından əmin olun. Ərəb sabununu ilıq suda həll edin. Sonra yumuşaq bir parça götürün və onu ərəb sabunu qarışmış suda isladın. Xalçanızı nəm parça ilə silin və xalça boyu bu prosesi təkrarlayın. Son olaraq isə təmiz su ilə xalçanı silib nəmliyinin çəkilməsini gözləyin. Fərqi aydın şəkildə görəcəksiniz.

2. Qarğıdalı nişastası - Qarğıdalı nişastası xüsusilə yağ ləkələrinin çıxarılmasında əvəzolunmaz üsuldur. Mətbəxinizin və yemək otaqlarınızın xalçalarını təmizləyərkən rahatlıqla bu üsulu sınaya bilərsiniz. Ləkəli hissəyə lazım olduqda qarğıdalı nişastası səpin və 5 dəqiqə gözləyin. 5 dəqiqədən sonra sirkəli su ilə nişastanı silərək xalçanızın qurumasını gözləyin.

3. Amonyak - Təmizlik vasitələrinin də tərkibində geniş istifadə olunan amonyakı apteklərdən rahatlıqla əldə edə bilərsiniz. Əgər evinizdə uşaq varsa xalçaların üzərində mürəkkəb ləkəsinin olması qaçınılmazdır. Amonyakı  mürəkkəb ləkələri ilə yanaşı yağ ləkələrində də tətbiq edə bilərsiniz. Təmizlik üçün bir miqdar suya 1 qaşıq amonyak əlavə edib, ləkəli səthə tətbiq etməyiniz kifayət edir.

Sonda bir daha xüsusi olaraq bildirmək istəyirik ki, təmizlik zamanı xalçanızın növünü, materialını, rənglərini mütləq şəkildə nəzərə almalısınız. Hər hansısa standart yuma metodu hər xalçada effektli olmaya bilər. Buna görə də məcbur qalmadığınız təqdirdə, xüsusən də xalçanız əldətoxuma yaxud ipək xalçadırsa bu işi peşəkarlara əmanət etməyiniz tövsiyyə olunur. 

Bəs siz xalça təmizliyində hansı vasitələrdən istifadə edirsiniz? Rəy hissəsində təcrübələrinizi bizimlə paylaşın.